ردا على قصف سوريا من قبل عاهرة إمارتية قمت بهذه المكالمة لرسم التخاذل ةالعار بصورة واضحة أكثر فكتبت .
رن جوالي وإذا بالاسم كان مكتوب
" الشهيد "
فتحت خط وبسرعة حكاني
.
.
.
قلي : كيفك أخي وكيف الوطن
وكيف الوضع صار بعد الشهيد ما اندفن ياريت يا أخي يرجع فيني شوي الزمن
وشوف النصر اللي دفعتلو دمي التمن
خبرني شو صار يا ابن الوطن .
*******
قلتلو : آآآآآآآآآآآه يا شهيد آآآآآآآآآآآآآه
تعا شوف ما بقي شي بالحارة
وسكنت بسماها الطيارة
وما خلت لا بشر ولا دكان ولا سيارة
والناس صارت بأكلها محتارة
وجوع وعطش وخوف من قذيفة غدارة
لك يا شهيد سوريا منهارة
*******
قلي : يعني دمي هدر راح
بعد الشعب بالتكبير صاح
وما حدا بعدي ارتاح
وما حدا للقصر اجتاح
ولك راح الدم هدر والنواح
احكيلي كمان يا ابن بلدي
راحت كتير أراواح
وما حدا أجا متل الأيوبي صلاح
والعرب لساتن ساكتين ما فاقو
ولا لساتن نايمين ما شافو الصباح .
*******
قلتلو : يا شهيد نست العالم التكبير
ولو تشوف شو اللي عبصير
اللي مات مات والأسير أسير
وولاد الوطن هربت بدون تبرير
والغانم بدو على أوربا يطير
ما عاد في بالوطن فقير
الفقير مات مالجوع وهوي عالسرير
والمال بإيد القوي صار كتير
وقادة الثورة ما عاد فيها ضمير
همها المال وسلطة وجاه
ولك صرنا بزمن المشاهير .
*******
قلي : هالحكي كلو معقول
ولك لأخواني الشهدا شو رح قول
قلنا النصر بعدنا مارح يطول
واللي كانو معنا بنعرفن ولاد أصول
وقلت بلشنا بآذار بتخلص بأيلول
تاري الشعب لهلأ مذلول
ومن العرب والاسلام مخذول
ولك معقول يا ابن الوطن هالحكي معقول
كفي يا أخي تمي عن الكلام صار مشلول.
*******
قلتلو : لك آآآآآآآآآآه يا شهيد آآآآآآآآآآآآآآآآآه
ولك الزمن علينا جار
لو تعرف بعدك شو صار
الشهداء مو بس بالمعركة كبار
شهداء كمان عالمدرسة رايحين صغار
الوطن يا شهيد جواتو إعصار
وهالإعصار ما خلالنا دار
لك آآآآآآآآآآه لو تشوف العار
طيران العرب علينا غار
لأن طلب منن الكلب بشار
وضربونا بحجة الإرهاب بالنار
وعاهرة الخليج بالطيارة قصفت أطهار.
ولك حتى خاف يضربنا الطيار
بس يا شهيد السوري بغير الله ما استجار
ودمك يا شهيد ماراح هدر
صح العدو كافر وجزار
وصح الشعب العربي غدار
والحكام كلاب ونجسن واضح صار
وعلماء الدين صارو كفار
بس وغلاوة دمك يا شهيد
رح نعوف اسرائيل وناخد من العرب التار .
*******
وبلا خوف ولا يوجد شيء اكثر من الموت هذه حقيقة .
وكل كلمة من كلماتي تحتضن آلاف الكلمات .
وستثمر كلماتي إن بقيت حيا كلمات وكلمات عن العار والخذلان والخيانة الذي شهدناه والذي نشهده والذي سنشهده .
ابراهيم المطر
ليست هناك تعليقات:
إرسال تعليق