كنزة صوف .. مشئوئة

قديمة .. كمامها قصيرة

كلها سودا .. من التعتير .. والأسى ..

على أساس تدفي ... * على أساس *

بنطلون جنز .. كمان قديم .. وكلو تراب

بوط مقطع .. كبير .. مو من مقاسو

يا دوب قدران يلبسه

إيد مرتخية .. عم يقطر منها الشحار .. والفقر

نازلة منها محرمة ..

مجعلكة .. عالارض

كان عم يمسح فيها .. وسخ هالدنيه

اكيد برداان .. مرضان .. من المطر .. والشتي ..

لحالو عالدرج .. قاعد ...

بيته تهدم

عيلته راحت .. اهله ماتوا .. او اعتقلو .. او ..

الله اعلم

هو لحالو .. تركوه الكل ..

تعبان .. تكا راسو .. عالحجر ..

غفي ..على هالحجر لي صار احن عليه من قلوب البشر !!

يااااا رب دخيلك ............