رجعولي .. الطفولة
ردّو عني صور الموت .. و دم اكفان اللي رحل
خبّو القصّة واخفو الصّوت .. واعطوني شوية أمل
احكو لي حكاية .. قبل النوم
سافر فيها .. صوب نجوم
بدّي لعبة لما بْ قوم
وعمري و حلمي .. الـ ما اكتملْ
شو ذنبي أدفع تمن .. يللي ظلم وافترىٰ
وكل مين خاين هالوطن .. واللي باعو واشترىٰ
شو ذنب الزهر الرايق
يفتّح بعيوني شقايق
وحقلي اللي عطرو غارق
بْ نهر الدم اللي جرى
ردّولي معنى الطفولة .. ماني مستوعب شرح
قولولي مو معقولة .. تموت البراءة والفرح
وأنّو بْ تتعمّر هالدّار
وبْ ترجعْ جنة الزغار
وأنو رح يطلع النهار
و يشعشع .. نورْ الصّبح
ليست هناك تعليقات:
إرسال تعليق